|
إنت الغني
صعبي
علينا كتير يا إمام تغيب
والوطن بعدو لا علاج ولا طبيب
وأصعب من غيابك حضورك هالتمين
ما نقشعوا إلا حلم طيفو غريب
إنت الغني بالعقل تفكيرك رصين
رمز النزاهة, كبير, محبوب وقريب
كنت الأمل لجنوبنا بعهدو الحزين
تخدم ولادو الكنت عَ قلبن حبيب
يا سيد اللي كنت عالي المنزلي
وآمنت بـ الله العلي وشيعة علي
وصرخة المحرومين طلعتلك شعار
وعلمت كل الناس معنى المرجلي
تراب الوطن عَ غيابك دموعو كتار
لبنان بالأحزان عاش المشكلي
هيك البيكونو أتقيا ومتلك كبار
مثل جوهر نادر وجودو قليل
كل ما انحجب زاد وغلي وذكرو حلي
*كتبت
في ذكرى تغييب الإمام السيد موسى الصدر
شعر جان خالد عن كتاب "غناني العمر المارق" |