جرجس طانيوس ابو جوده

في أواسط السبعينات ، زار الإمام موسى الصدر بلدة الزلقا، ونزل ضيفا

على السيد داوود يوسف ابو جوده

تجمهر أهالي الزلقا للسلام عليه ، وكانت هذه القصيدة من الشاعر ابو

فاروق جريس طانيوس ابو جودة.

                      من بعد منك ما لنا الا العلى

ان شفت جنحين الحمامه صفقوا        قول الربيعية تمخض حبها

ان شفت القساوة والليونة توافقوا        قول البشر حفظت شريعة ربها

ان شفت المحبة والسلام تعانقوا         قول الحرب سنكات جيشو ضبها

وان قشعت الدين والدنيا التقوا          قول رحمة ربنا العالي الكريم

                    عاقلوب العابدينو صبها

نزلت بنات الحي ع مصب النهور      ت يحوشوا عن ضفة النهر الخزام

وصيوها بلت نـفحـات العطـور      وجملوها بلحظ عين وابتسام

وشكشكوا زهراتها بخيطان نور         تاينصبوها قوس نصر واحترام

وعيطوا عالجو تانزلوا البدور           وكل نجمه حاملي بيرق سلام

وزرعت على طرقاتها جنينة زهور    ت يمر فوقا سيادة الصدر الامام

صدر الامام صدر العروبة اجمعين     صدر الوفا صدر الكرامة العاملي

وبكل موقف كنت مرفوع الجبين        وسجلك التاريخ قصه كاملي

كلنا اسلام لرب العالمين                قسم بالانجيل اسلم للولي

وقسم بالقرآن والشرع المبين            اسلم الآياتو الشريفي المنزلي

وقسم بالحكمة وجوهرها الكمين         اسلم واوجد عند ربو منزلي

يا صدر موسى انت يا صدر الامين     قديشها كتافك متاعب حاملي

بيكفيك حامل هم يلي مشردين           البلقهروالتعتيرعمرن مبتلي

البلخيام المهتريه عايشين                الاكلوا الصبر ت الصبر ع شفافن حلي

وحكامنا بقصور خضره مربعين         وحل السلم صارت روايه ومهزلي

وان كان بدنا نضم "هنري " ناطرين     وانت وانا منقول يا ليلى انخلي

لازملنا خطاب بكتفوا نستعين            الحمله تقيلة ومش بسيطه المسألي

مين بدو يوجد الخطاب مين             الخطاب انت وانت مسؤول الوحيد

                      ومن بعد منك ما لنا الا العلى

                                                                    الديار

عودة